ഐപിഎലില്‍ അൺക്യാപ്ഡ് പ്ലേയര്‍മാരിലെ ടോപ് സ്കോറര്‍ പദവി ഇനി യശസ്വി ജൈസ്വാളിന് സ്വന്തം. ഇന്നലെ താരം നേടിയ 62 പന്തിൽ നിന്നുള്ള 124 റൺസ് പോള്‍ വാള്‍ത്താട്ടിയെ മറികടന്ന് പട്ടികയിലെ ഒന്നാമനാകുവാന്‍ ജൈസ്വാളിനെ സഹായിച്ചു. 2011ൽ ചെന്നൈ സൂപ്പര്‍ കിംഗ്സിനെതിരെ 63 പന്തിൽ നിന്ന് 120 റൺസ് നേടി പുറത്താകാതെ നിന്നാണ് കിംഗ്സ് ഇലവന്‍ പഞ്ചാബ് താരം പോള്‍ വാള്‍ത്താട്ടി ഈ നേട്ടം സ്വന്തമാക്കിയത്.
പട്ടികയിലെ മറ്റു താരങ്ങള്‍ ഷോൺ മാര്‍ഷ് (കിംഗ്സ് ഇലവന്‍ പഞ്ചാബ് – 69 പന്തിൽ 115 റൺസ് – എതിരാളികള്‍ രാജസ്ഥാന്‍ റോയൽസ് , വര്‍ഷം -2008), മനീഷ് പാണ്ടേ (റോയൽ ചലഞ്ചേഴ്സ് ബാംഗ്ലൂര്‍ – 73 പന്തിൽ പുറത്താകാതെ 114 റൺസ് – എതിരാളികള്‍ – ഡൽഹി ക്യാപിറ്റൽസ് വര്‍ഷം – 2009), രജത് പടിദാര്‍ (റോയൽ ചലഞ്ചേഴ്സ് ബാംഗ്ലൂര്‍ – 54 പന്തിൽ പുറത്താകാതെ 112 എതിരാളികള്‍ – ലക്നൗ സൂപ്പര്‍ ജയന്റ്സ് വര്‍ഷം – 2022), ദേവ്ദത്ത് പടിക്കൽ (റോയൽ ചലഞ്ചേഴ്സ് ബാംഗ്ലൂര്‍ – 52 പന്തിൽ പുറത്താകാതെ 101 എതിരാളികള്‍ – രാജസ്ഥാന്‍ റോയൽസ് വര്‍ഷം – 2021)
