WPL

മുന്നിൽ നിന്ന് നയിച്ച് ഹര്‍മ്മന്‍പ്രീത്, 162 റൺസ് നേടി മുംബൈ

Sports Correspondent

Updated on:

Harmanpreetkaur
Download the Fanport app now!
Appstore Badge
Google Play Badge 1

ഗുജറാത്ത് ജയന്റ്സിനെതിരെ ആദ്യം ബാറ്റ് ചെയ്ത് 162 റൺസ് നേടി മുംബൈ ഇന്ത്യന്‍സ്. ഹര്‍മ്മന്‍പ്രീത് കൗര്‍, യാസ്തിക ഭാട്ടിയ എന്നിവരുടെ ബാറ്റിംഗ് മികവാണ് മുംബൈയ്ക്ക് ഈ സ്കോര്‍ നൽകിയത്. 51 റൺസാണ് കൗര്‍ 30 പന്തിൽ നിന്ന് നേടിയത്. താരം അവസാന ഓവറിലാണ് പുറത്തായത്.

Gujaratgiants

ആദ്യ ഓവറിൽ തന്നെ ഹെയ്‍ലി മാത്യൂസിനെ നഷ്ടമായ ടീമിനെ യാസ്തിക ഭാട്ടിയ – നത്താലി സ്കിവര്‍ കൂട്ടുകെട്ട് 74 റൺസ് നേടി മുന്നോട്ട് നയിക്കുകയായിരുന്നു. 11ാം ഓവറിന്റെ അവസാന പന്തിൽ നത്താലിയെ(36) നഷ്ടമായ മുംബൈയ്ക്ക് അധികം വൈകാതെ യാസ്തികയുടെ വിക്കറ്റും നഷ്ടമായി. 44 റൺസായിരുന്നു താരം നേടിയത്.

പിന്നീട് ഹര്‍മ്മന്‍പ്രീത് – അമേലിയ കൂട്ടുകെട്ടാണ് 51 റൺസ് നാലാം വിക്കറ്റിൽ നേടി മുംബൈയെ മുന്നോട്ട് നയിച്ചത്. 19 റൺസ് നേടിയ അമേലിയയെ നഷ്ടമായ മുംബൈയ്ക്ക് മൂന്ന് വിക്കറ്റുകള്‍ കൂടി നഷ്ടമാകുകയായിരുന്നു അവസാന ഓവറുകളിൽ.

10 റൺസ് നേടുന്നതിനിടെ മൂന്ന് വിക്കറ്റ് നഷ്ടമായ ടീം 135/3 എന്ന നിലയിൽ നിന്ന് 145/6 എന്ന നിലയിലേക്ക് വീണു.  ഹര്‍മ്മന്‍പ്രീത് ടീം സ്കോര്‍ 150 കടത്തുകയായിരുന്നു. ഗുജറാത്തിനായി ആഷ്‍ലൈ ഗാര്‍ഡ്നര്‍ 3 വിക്കറ്റ് വീഴ്ത്തി.