വനിത പ്രീമിയര് ലീഗിൽ തങ്ങളുടെ മുഖ്യ കോച്ചിനെ പ്രഖ്യാപിച്ച് ഡൽഹി ക്യാപിറ്റൽസ്. ജോനാഥന് ബാറ്റിയെ ആണ് മുഖ്യ കോച്ചായി ഡൽഹി ക്യാപിറ്റൽസ് പ്രഖ്യാപിച്ചിരിക്കുന്നത്. ദി ഹണ്ട്രെഡിൽ കിരീട നേട്ടം സ്വന്തമാക്കിയിട്ടുള്ള കോച്ചാണ് ബാറ്റി.
ബാറ്റി ഓവൽ ഇന്വിന്സിബിള്സിനെ 2021, 2022 സീസണുകളിൽ തുടര്ച്ചയായ കിരീടങ്ങളിലേക്ക് നയിച്ചിരുന്നു. താരം മെൽബേൺ സ്റ്റാര്സിന്റെ വനിത ടീമിന്റെയും സറേ വനിത ടീമിന്റെയും മുഖ്യ കോച്ചായി പ്രവര്ത്തിച്ചിട്ടുണ്ട്.
മലയാളിയായ ബിജു ജോര്ജ്ജ് ഫീൽഡിംഗ് കോച്ചായും ഹേമലത കാല, ലിസ കെയ്റ്റ്ലി എന്നിവര് സഹ പരിശീലകരായും ടീമിനൊപ്പം എത്തുന്നു.
