ഇന്ത്യൻ പ്രീമിയർ ലീഗിൽ അവസാന സ്ഥാനക്കാരായി സീസൺ അവസാനിപ്പിച്ചെങ്കിലും ആരാധകർ നൽകിയ പിന്തുണക്ക് നന്ദി അറിയിച്ച് ബാംഗ്ലൂർ ക്യാപ്റ്റൻ വിരാട് കോഹ്‌ലി. സോഷ്യൽ മീഡിയയിലൂടെയാണ്‌ ആർ.സി.ബി ക്യാപ്റ്റൻ ആരാധകരോടുള്ള കടപ്പാട് അറിയിച്ചത്. ഈ സീസണിൽ തൊട്ടതെല്ലാം പിഴച്ച ബാംഗ്ലൂരിന് ആകെ 5 മത്സരം മാത്രമാണ് ജയിക്കാനായത്. അടുത്ത സീസണിൽ മികച്ച പ്രകടനം ബാംഗ്ലൂർ കാഴ്ചവെക്കുമെന്ന് പറഞ്ഞാണ് വിരാട് കോഹ്‌ലി സോഷ്യൽ മീഡിയ പോസ്റ്റ് അവസാനിപ്പിച്ചത്.
Thank you guys for all the love & support – the entire team including the fans, the ground staff & the support staff! Promise to come back stronger next year. ನೀವು ಇಲ್ಲಾಂದ್ರೆ ನಾವು ಏನು ಅಲ್ಲಾ 🙏🏼 @RCBTweets #RCB #RCBBoldArmy #PlayBold pic.twitter.com/Elyhdd9daG
— Virat Kohli (@imVkohli) May 5, 2019
ഐ.പി.എൽ സീസണിലെ ആദ്യ 6 മത്സരങ്ങൾ തുടർച്ചയായി തോറ്റതോടെ ബാംഗ്ലൂരിന്റെ പ്ലേ ഓഫ് പ്രതീക്ഷകൾ നേരത്തെ അവസാനിച്ചിരുന്നു. ആദ്യത്തെ 6 തോൽവികൾക്ക് ശേഷം ടീം മികച്ച പ്രകടനം പുറത്തെടുത്തെങ്കിലും അവസാന സ്ഥാനത്ത് സീസൺ അവസാനിപ്പിക്കാനായിരുന്നു ബാംഗ്ലൂരിന്റെ വിധി. സീസണിലെ അവസാന മത്സരത്തിൽ സൺറൈസേഴ്‌സ് ഹൈദരാബാദിനെ 4 വിക്കറ്റിന് തോൽപ്പിച്ചുകൊണ്ടാണ് ബാംഗ്ലൂർ സീസൺ അവസാനിപ്പിച്ചത്.
