ഐപിഎല്‍ ചരിത്രത്തില്‍ 5000 റണ്‍സ് തികയ്ക്കുന്ന രണ്ടാമത്തെ താരമായി വിരാട് കോഹ്‍ലി. ഇന്നലെ നടന്ന മുംബൈ ഇന്ത്യന്‍സിനെതിരായ മത്സരത്തില്‍ 32 പന്തില്‍ 46 റണ്‍സ നേടുന്നതിനിടയിലാണ് ഈ നേട്ടം കോഹ്‍ലി പൂര്‍ത്തിയാക്കിയത്. 165 ഇന്നിംഗ്സുകളില്‍ നിന്നാണ് കോഹ്‍ലിയുടെ ഈ നേട്ടം. ഈ നേട്ടത്തിലേക്ക് വേഗത്തില്‍ എത്തുന്ന താരം കൂടിയാണ് കോഹ്‍ലി.
ഏതാനും ദിവസങ്ങള്‍ക്ക് മുമ്പ് സുരേഷ് റെയ്‍ന ഐപിഎലില്‍ 5000 റണ്‍സ് തികച്ചിരുന്നു. തൊട്ട് പിന്നാലെ തന്നെ കോഹ്‍ലിയും ഈ നേട്ടം സ്വന്തമാക്കി. സുരേഷ് റെയ്‍ന 5034 റണ്‍സാണ് ഐപിഎലില്‍ ഇതുവരെ നേടിയിട്ടുള്ളത്. കോഹ്‍ലി കൃത്യം 5000 റണ്‍സും.
