ഐപിഎല്‍ 12ാം പതിപ്പില്‍ ബൗളിംഗ് കോച്ചായി രാജസ്ഥാന്‍ റോയല്‍സില്‍ സ്റ്റെഫാന്‍ ജോണ്‍സ് എത്തും. ഡെര്‍ബിഷയര്‍, സോമര്‍സെറ്റ്, ഹോബാര്‍ട് ഹറികെയന്‍സ് എന്നിവര്‍ക്കൊപ്പം പ്രവര്‍ത്തിച്ച് പരിചയമുള്ള വ്യക്തിയാണ് സ്റ്റെഫാന്‍ ജോണ്‍സ്. സുബിന്‍ ബറൂച്ചയാണ് ജോണ്‍സിന്റെ നിയമനത്തെക്കുറിച്ച് പറഞ്ഞത്.
കോച്ചിംഗ് ദൗത്യത്തിനു മുമ്പ് 14 വര്‍ഷത്തോളം ഫസ്റ്റ് ക്ലാസ് ക്രിക്കറ്റില്‍ സജീവമായിരുന്ന താരമാണ് ജോണ്‍സ്. സോമര്‍സെറ്റ്, കെന്റ്, നോര്‍ത്താംപ്ടണ്‍ഷയര്‍, ഡെര്‍ബിഷയര്‍ എന്നവിര്‍ക്കായി കളിച്ചിട്ടുള്ള താരം 148 മത്സരങ്ങളില്‍ നിന്ന് 387 വിക്കറ്റുകള്‍ ദൈര്‍ഘ്യമേറിയ ഫോര്‍മാറ്റില്‍ നേടിയിട്ടുണ്ട്.
