വരാനിരിക്കുന്ന ഐപിഎൽ 2024 സീസണിൽ മിച്ചൽ സ്റ്റാർക്ക് കെ കെ ആറിന്റെ എക്സ് ഫാക്ടർ ആയിരിക്കുമെന്ന് കൊൽക്കത്ത നൈറ്റ് റൈഡേഴ്‌സിൻ്റെ മെൻ്റർ ഗൗതം ഗംഭീർ. നീണ്ട 9 വർഷത്തെ ഇടവേളയ്ക്ക് ശേഷമാണ് സ്റ്റാർക്ക് ഐപിഎല്ലിലേക്ക് തിരിച്ചുവരുന്നത്. കഴിഞ്ഞ ലേലത്തിൽ 24.75 കോടി രൂപയ്ക്ക് ആണ് കെകെആർ സ്റ്റാർകീനെ സ്വന്തമാക്കിയത്.
പുതിയ സീസണിന് മുന്നോടിയായി വ്യാഴാഴ്ച കൊൽക്കത്തയിലെത്തിയ ശേഷം സംസാരിച്ച ഗംഭീർ, സ്റ്റാർക്കിന് പ്രൈസ് ടാഗ് അധിക സമ്മർദ്ദമാകില്ലെന്ന് പറഞ്ഞു.
“പ്രൈസ് ടാഗ് അദ്ദേഹത്തിന് ഒരു അധിക സമ്മർദ്ദമാകുമെന്ന് ഞാൻ കരുതുന്നില്ല. രാജ്യാന്തര ക്രിക്കറ്റിൽ ഓസ്‌ട്രേലിയയ്‌ക്ക് വേണ്ടി ചെയ്യുന്നതു കെകെആറിനു വേണ്ടിയും ചെയ്യാൻ അദ്ദേഹത്തിന് കഴിയുമെന്ന് ഞാൻ പ്രതീക്ഷിക്കുന്നു,” ഗംഭീർ പറഞ്ഞു.
ഐപിഎല്ലിൽ മുമ്പ് സ്റ്റാർക്ക് കളിച്ച രണ്ട് സീസണുകളിൽ ആയി റോയൽ ചലഞ്ചേഴ്‌സ് ബാംഗ്ലൂരിനായി ഇടങ്കയ്യൻ പേസർ മൊത്തം 34 വിക്കറ്റുകൾ വീഴ്ത്തിയിരുന്നു.
