സണ്‍റൈസേഴ്സ് ഹൈദ്രാബാദിനെതിരെ ടോസ് നേടി ബാറ്റിംഗ് തിരഞ്ഞെടുത്ത് രാജസ്ഥാന് റോയല്‍സ്. ആദ്യ മത്സരത്തില്‍ കിംഗ്സ് ഇലവന്‍ പഞ്ചാബിനോട് പരാജയമേറ്റു വാങ്ങിയ ടീമില്‍ മാറ്റങ്ങളൊന്നുമില്ല. അതേ സമയം സണ്‍റൈസേഴ്സ് നിരയില്‍ രണ്ട് മാറ്റമാണുള്ളത്. ദീപക് ഹൂഡയ്ക്ക് പകരം കെയിന്‍ വില്യംസണും ഷാക്കിബ് അല്‍ ഹസനു പകരം ഷാഹ്ബാസ് നദീമും ടീമിലേക്ക് എത്തുന്നു.
ആദ്യ ജയം തേടിയാണ് ഇരു ടീമുകളും ഇന്നത്തെ മത്സരത്തിനെത്തുന്നത്. അനായാസം ജയിക്കേണ്ടിയിരുന്ന മത്സരങ്ങളാണ് ഇരു ടീമുകളും കളഞ്ഞ് കുളിച്ചത്. സണ്‍റൈസേഴ്സ് ആന്‍ഡ്രേ റസ്സലിന്റ തകര്‍പ്പനടിയില്‍ തകര്‍ന്നപ്പോള്‍ രാജസ്ഥാന് റോയല്‍സ് ജോസ് ബട്‍ലറുടെ വിവാദ വിക്കറ്റിനു ശേഷം അനായാസമായിട്ടുള്ള ലക്ഷ്യം വിക്കറ്റുകള്‍ നഷ്ടപ്പെടുത്തി കൈമോശം വരുത്തുകയായിരുന്നു.
രാജസ്ഥാന് റോയല്‍സ്: രാഹുല്‍ ത്രിപാഠി, ജോസ് ബട്‍ലര്‍, അജിങ്ക്യ രഹാനെ, സ്റ്റീവന്‍ സ്മിത്ത്, ബെന്‍ സ്റ്റോക്സ്, സഞ്ജു സാംസണ്‍, ജോഫ്ര ആര്‍ച്ചര്‍, കൃഷ്ണപ്പ ഗൗതം, ജയ്ദേവ് ഉനഡ്കട്, ശ്രേയസ്സ് ഗോപാല്‍, ധവാല്‍ കുല്‍ക്കര്‍ണ്ണി
സണ്‍റൈസേഴ്സ് ഹൈദ്രാബാദ്: ഡേവിഡ് വാര്‍ണര്‍, ജോണി ബൈര്‍സ്റ്റോ, മനീഷ് പാണ്ടേ, കെയിന്‍ വില്യംസണ്‍, വിജയ് ശങ്കര്‍, യൂസഫ് പത്താന്‍, റഷീദ് ഖാന്‍, ഭുവനേശ്വര്‍ കുമാര്‍, ഷാഹ്ബാസ് നദീം, സന്ദീപ് ശര്‍മ്മ, സിദ്ധാര്‍ത്ഥ് കൗള്‍
