ഇന്നലെ കൊൽക്കത്ത നൈറ്റ് റൈഡേഴ്സിന് എതിരായ തോൽവിക്ക് ശേഷം റിഷഭ് പന്ത് പറഞ്ഞ കാര്യങ്ങളെ വിമർശിച്ച് മുൻ ഓസ്ട്രേലിയൻ ക്യാപ്റ്റൻ മൈക്കിൾ ക്ലാർക്ക്. ഇന്നലെ ആദ്യം ബാറ്റു ചെയ്യാനുള്ള ഡെൽഹിയുടെ തീരുമാനം ശരി ആയിരുന്നു എന്നും ഒരു 10 റൺസ് കൂടെ ഉണ്ടെങ്കിൽ കെ കെ ആറിനെ തോൽപ്പിക്കാമായിരുന്നു എന്നും പന്ത് പറഞ്ഞിരുന്നു. ഇത് ശരിയല്ല എന്ന് ക്ലാർക്ക് പറഞ്ഞു.
“കളി കഴിഞ്ഞ് പന്ത് പറഞ്ഞതെല്ലാം ഞാൻ അംഗീകരിക്കുന്നില്ല. നിങ്ങൾ വിജയിച്ചാൽ, നിങ്ങൾ ചെയ്തത് എല്ലാം ശരിയായി ചെയ്തു എന്ന് പറയാം, നിങ്ങൾ തോൽക്കുന്നു എങ്കിൽ, ചികത് ശരിയായില്ല എന്ന് സമ്മതിക്കണം. ഈ പിച്ചിൽ ബാറ്റ് ചെയ്യാൻ തിരഞ്ഞെടുത്തതിൽ അദ്ദേഹത്തിന് തെറ്റ് പറ്റിയെന്ന് ഞാൻ കരുതുന്നു. അവർക്ക് 10 റൺസ് കുറവായിരുന്നുവെന്നല്ല ഞാൻ കരുതുന്നത്, അവർക്ക് 50 റൺസെങ്കിലും കുറവായിരുന്നു, ”ക്ലാർക്ക് സ്റ്റാർ സ്പോർട്സിനോട് പറഞ്ഞു.
“കെ കെ ആർ ജയിക്കുമ്പോൾ ഇനിയും 3.3 ഓവർ ബാക്കിയുണ്ടായിരുന്നു, KKRന് 3 വിക്കറ്റ് മാത്രം ആണ് നഷ്ടപ്പെട്ടത്. 50 ഇല്ലെങ്കിൽ കെകെആർ 40 റൺസെങ്കിലും അവർ എളുപ്പത്തിൽ നേടുമായിരുന്നു. അതിനാൽ, ഡെൽഹി ആദ്യം ബാറ്റ് ചെയ്യാൻ പോകുകയാണെങ്കിൽ 200 റൺസ് എങ്കിലും എടുക്കണമായിരുന്നു.” അദ്ദേഹം പറഞ്ഞു.
