അടിസ്ഥാന വിലയായ 50 ലക്ഷത്തിനു ദക്ഷിണാഫ്രിക്കയുടെ വിക്കറ്റ് കീപ്പറായ ഹെയിന്‍റിച്ച് ക്ലാസ്സനെ സ്വന്തമാക്കി ആര്‍സിബി. കഴിഞ്ഞ സീസണില്‍ രാജസ്ഥാന്‍ റോയല്‍സിനു വേണ്ടി കളിച്ച താരത്തിനു ശ്രദ്ധേയമായ പ്രകടനം പുറത്തെടുക്കുവാനായിരുന്നില്ല. ലേലത്തില്‍ ആര്‍സിബി മാത്രമാണ് താരത്തില്‍ താല്പര്യം പ്രകടിപ്പിച്ചത്. ഇന്ത്യന്‍ സ്പിന്നര്‍മാര്‍ക്കെതിരെ മികച്ച രീതിയില്‍ ബാറ്റ് വീശുമെന്നതാണ് ഹെയിന്‍റിച്ച് ക്ലാസ്സെനില്‍ റോയല്‍ ചലഞ്ചേഴ്സ് കണ്ട കരുത്തെന്ന് വേണം കരുതുവാന്‍.
അതെ സമയം ഹാഷിം അംല, റീസ ഹെന്‍ഡ്രിക്സ് എന്നിങ്ങനെയുള്ള ദക്ഷിണാഫ്രിക്കന്‍ താരങ്ങളെ ആരും സ്വന്തമാക്കിയില്ല. ദക്ഷിണാഫ്രിക്കന്‍ ടി20 ലീഗില്‍ ശ്രദ്ധേയമായ പ്രകടനം പുറത്തെടുത്ത താരമായിരുന്നു റീസ ഹെന്‍ഡ്രിക്സ്. എങ്കിലും താരത്തിനു ഫ്രാഞ്ചൈസികളുടെ ശ്രദ്ധ പിടിച്ചുപറ്റാനായില്ല.
