തങ്ങള്‍ കഴിഞ്ഞ വര്‍ഷം വലിയ വില കൊടുത്ത് നല്‍കി വാങ്ങിയ ശേഷം റിലീസ് ചെയ്ത പേസ് ബൗളര്‍ ജയ്ദേവ് ഉനഡ്കടിനെ അതിലും കുറഞ്ഞ വിലയ്ക്ക് സ്വന്തമാക്കി രാജസ്ഥാന്‍ റോയല്‍സ്. ഒരു കോടി രൂപയുടെ അടിസ്ഥാന വിലയുള്ള താരത്തിനെ 3 കോടി രൂപയ്ക്കാണ് രാജസ്ഥാന്‍ സ്വന്തമാക്കിയത്.
രാജസ്ഥാനോടൊപ്പം ഡല്‍ഹി ക്യാപിറ്റല്‍സും കിംഗ്സ് ഇലവന്‍ പഞ്ചാബുമാണ് താരത്തിനായി ലേലത്തില്‍ പങ്കെടുത്തത്. 2018 സീസണ് താരത്തിനെ 11.50 കോടി രൂപയ്ക്കാണ് രാജസ്ഥാന്‍ സ്വന്തമാക്കിയത്. തൊട്ടടുത്ത വര്‍ഷം 8.40 കോടി രൂപയ്ക്ക് സ്വന്തമാക്കിയ താരത്തെ ഇപ്പോള്‍ വെറും 3 കോടിയ്ക്കാണ് ടീം സ്വന്തമാക്കിയിരിക്കുന്നത്.
