സൺറൈസേഴ്സിന്റെ വിജയത്തിൽ മയാംഗ് മാര്ക്കണ്ടേയുടെ നാല് വിക്കറ്റുകള്ക്കൊപ്പം ബാറ്റിംഗിൽ 48 പന്തിൽ 74 റൺസ് നേടിയ രാഹുല് ത്രിപാഠിയുടെ ബാറ്റിംഗും വലിയ പങ്കാണ് വഹിച്ചത്.
രാഹുല് ശരിയായ രാഹുല് ആയ മത്സരമായിരുന്നു ഇതെന്നാണ് സൺറൈസേഴ്സ് നായകന് എയ്ഡന് മാര്ക്രം പറഞ്ഞത്. 17 പന്തിൽ 10 റൺസ് നേടിയ താരം പിന്നീട് അടുത്ത 31 പന്തിൽ നിന്ന് 64 റൺസാണ് നേടിയത്.
തുടക്കത്തിൽ സ്ട്രൈക്ക് റൊട്ടേറ്റ് ചെയ്യുവാന് അദ്ദേഹം പാടുപെട്ടുവെങ്കിലും പിച്ചിന്റെ ഫീൽ ലഭിച്ച ശേഷം ബൗളര്മാരെ സമ്മര്ദ്ദത്തിലാക്കുവാന് അദ്ദേഹത്തിന് സാധിച്ചുവെന്നും സൺറൈസേഴ്സ് നായകന് വ്യക്തമാക്കി.