കൊൽക്കത്തയുടെ സൺറൈസേഴ്സിനെതിരെയുള്ള വിജയത്തിൽ അവസാന ഓവര് ആരെറിയുമെന്ന കൺഫ്യൂഷന് തനിക്കുണ്ടായിരുന്നുവെന്ന് പറഞ്ഞ് കൊൽക്കത്ത നൈറ്റ് റൈഡേഴ്സ് നായകന് നിതീഷ് റാണ. സ്പിന്നര് വേണോ പേസര് വേണോ എന്ന സംശയം തനിക്കുണ്ടായിരുന്നുവെന്നും താന് അവസാനം സ്പിന്നര് മതിയെന്ന് തീരുമാനിക്കുകയായിരുന്നുവെന്നും റാണ പറഞ്ഞു.
മത്സരത്തിൽ ആരാണ് മികച്ച രീതിയിൽ സ്പിന് ബൗളിംഗ് ചെയ്യുന്നതെന്ന് താന് അവലോകനം ചെയ്യാറുണ്ടെന്നും അങ്ങനെയാണ് നിര്ണ്ണായക ഓവറുകള് ആര് എറിയുമെന്ന് താന് തീരുമാനിക്കുന്നതെന്നും നിതീഷ് റാണ വ്യക്തമാക്കി. മത്സരത്തിൽ 9 റൺസ് പ്രതിരോധിച്ച് കൊൽക്കത്തയെ 5 റൺസ് വിജയത്തിലേക്ക് നയിച്ചത് വരുൺ ചക്രവര്ത്തി ആയിരുന്നു.
