ഐപിഎലില്‍ രാജസ്ഥാന് റോയൽസിന് തിരിച്ചടിയായി വിദേശ താരം നഥാന്‍ കോള്‍ട്ടര്‍-നൈലിന്റെ പരിക്ക്. രാജസ്ഥാന് വേണ്ടി ആദ്യ മത്സരത്തിൽ കളിച്ച താരം പിന്നീടുള്ള രണ്ട് മത്സരങ്ങളിലും പുറത്തിരിക്കുകയായിരുന്നു.
പകരം നവ്ദീപ് സൈനിയാണ് രണ്ട് മത്സരങ്ങളിലും കളിച്ചത്. പേശിവലിവാണ് താരത്തിന് തിരിച്ചടിയായതെന്നാണ് ലഭിയ്ക്കുന്ന വിവരം. മൂന്ന് മത്സരങ്ങളിൽ രണ്ടെണ്ണം വിജയിച്ച രാജസ്ഥാന് ഇപ്പോള്‍ പോയിന്റ് പട്ടികയിൽ ഒന്നാം സ്ഥാനത്താണ് തുടരുന്നത്.
