മായങ്ക് യാദവ്, ഇവനാണ് ഇന്ത്യ ആഗ്രഹിച്ച പേസർ. ഇന്ന് വീണ്ടും ലക്നൗ സൂപ്പർ ജയന്റ്സിന്റെ ഹീറോ ആകാൻ 21കാരനായ മായങ്ക് യാദവിനായി. 4 ഓവറിൽ വെറും 14 റൺസ് മാത്രം വഴങ്ങി മൂന്ന് വിക്കറ്റ് വീഴ്ത്താൻ മായങ്കിനായി. മാക്സ്വെൽ, ഗ്രീൻ, രജത് പടിദാർ എന്നിവരെ ആണ് മായങ്ക് പുറത്താക്കിയത്. ഇതിക് ഗ്രീനിന്റെ ബൗൾഡ് ഏവരെയും ഞെട്ടിച്ച ബൗളായിരുന്നു.
156.7 എന്ന പേസിൽ പന്തെറിഞ്ഞ് ഈ സീസൺ ഐ പി എല്ലിലെ ഏറ്റവുൻ വേഗതയാർന്ന ബൗൾ എന്ന തന്റെ കഴിഞ്ഞ മത്സരത്തിലെ റെക്കോർഡ് തിരുത്താനും മായങ്കിന് ഇന്നായി. കഴിഞ്ഞ മത്സരത്തിൽ പഞ്ചാബ് കിംഗ്സിനെതിരെയും
വിജയത്തിൽ നിർണായക പങ്കുവഹിക്കാൻ മായങ്കിനായിരുന്നു. അന്ന് നാല് ഓവറിൽ 27 റൺസ് മാത്രം വഴങ്ങി 3 വലിയ വിക്കറ്റുകൾ വീഴ്ത്തി മായങ്ക് ഒലയർ ഓഫ് ദി മാച്ച് ആയിരുന്നു.
21കാരനെ വെറും 20 ലക്ഷം രൂപക്ക് ആയിരുന്നു ലക്നൗ കഴിഞ്ഞ ഓപ്ഷനിൽ സ്വന്തമാക്കിയത്. യുവതാരം ഈ പ്രകടനം തുടർന്നാൽ അധികം താമസിയാതെ ഇന്ത്യൻ ടീമിൽ എത്തും എന്ന് പ്രതീക്ഷിക്കാം.
