മുംബൈ ഇന്ത്യന്‍സ് ഈ സീസണില്‍ റിലീസ് ചെയ്ത വെടിക്കെട്ട് താരം നിക്കോളസ് പൂരനെ സ്വന്തമാക്കി കിംഗ്സ് ഇലവന്‍ പഞ്ചാബ്. 4.20 കോടി രൂപയ്ക്കാണ് റോയല്‍ ചലഞ്ചേഴ്സ് ബാംഗ്ലൂരുമായുള്ള ലേല യുദ്ധത്തിനു ശേഷം ഈ വിന്‍ഡീസിന്റെ വെടിക്കെട്ട് വിക്കറ്റ് കീപ്പര്‍ താരത്തെ പഞ്ചാബ് സ്വന്തമാക്കിയത്. അടുത്തിടെ കഴിഞ്ഞ ടി10 ലീഗില്‍ സ്ഥിരതയാര്‍ന്ന പ്രകടനമാണ് പൂരന്‍ പുറത്തെടുത്തത്.
ഒന്നിനു പുറമെ ഒന്നായി പല മത്സരങ്ങളിലും മാന്‍ ഓഫ് ദി മാച്ച് പുരസ്കാരം നേടിയ താരം ടൂര്‍ണ്ണമെന്റിലെ തന്നെ ടോപ് സ്കോററായിരുന്നു. പല മത്സരങ്ങളിലും നോര്‍ത്തേണ്‍ വാരിയേഴ്സിനെ ഒറ്റയ്ക്ക് വിജയത്തിലേക്ക് നയിച്ചതും ഈ താരമായിരുന്നു.
