ഐപിഎല്‍ പങ്കെടുക്കേണ്ടതില്ല എന്ന ഇംഗ്ലണ്ട് കോച്ച് ട്രെവര്‍ ബെയിലിസിന്റെ അഭിപ്രായം തള്ളി ജോ റൂട്ട്. 2018 ഐപിഎല്‍ ലേലത്തിനായി രജിസ്റ്റര്‍ ചെയ്ത 282 വിദേശ താരങ്ങളില്‍ ഒരാളായി ഇംഗ്ലണ്ടിന്റെ ടെസ്റ്റ് നായകന്‍ ജോ റൂട്ടും ഉണ്ടെന്നാണ് പുറത്ത് വരുന്ന വാര്‍ത്ത. മൊത്തം 1122 താരങ്ങളാണ് ജനുവരി 27, 28 തീയ്യതികളില്‍ നടക്കുന്ന ലേല നടപടികളില്‍ പങ്കെടുക്കുന്നതിനായി രജിസ്റ്റര്‍ ചെയ്തിട്ടുള്ളത്.
ഇന്ത്യയില്‍ നിന്ന് 778 താരങ്ങളാണ് ലേലത്തിനായി രജിസ്റ്റര്‍ ചെയ്തിട്ടുള്ളത്. വിദേശ രാജ്യങ്ങളില്‍ ഓസ്ട്രേലിയയില്‍ നിന്നാണ് കളിക്കാര്‍ കൂടുതല്‍. 58 താരങ്ങള്‍ ഓസ്ട്രേലിയയില്‍ നിന്ന് രജിസ്റ്റര്‍ ചെയ്തിട്ടുള്ളപ്പോള്‍ 57 താരങ്ങള്‍ ദക്ഷിണാഫ്രിക്കയില്‍ നിന്നുണ്ട്. വെസ്റ്റിന്‍ഡീസ്(39), ശ്രീലങ്ക(39), ന്യൂസിലാണ്ട്(30), ഇംഗ്ലണ്ട്(26) എന്നിങ്ങനെയാണ് മറ്റു ടെസ്റ്റ് രാജ്യങ്ങളില്‍ നിന്നുള്ള കണക്കുകള്‍.
അഫ്ഗാനിസ്ഥാനില്‍ നിന്ന് 13 താരങ്ങളും ബംഗ്ലാദേശില്‍ നിന്ന് 8 പേരും രജിസ്റ്റര്‍ ചെയ്ത ലേലത്തില്‍ പങ്കെടുക്കുവാന്‍ യുഎസ്എയില്‍ നിന്ന് രണ്ട് താരങ്ങള്‍ പേര് നല്‍കിയിട്ടുണ്ട്.
കൂടുതൽ കായിക വാർത്തകൾക്ക് : www.facebook.com/FanportOfficial
