ഇന്ത്യം പ്രീമിയർ ലീഗിൽ ഈ സീസണിലെ തന്റെ ആദ്യ സെഞ്ച്വറി നേടിയ യശസ്വി ജയ്സ്വാൾ സഞ്ജു സാംസണ് നന്ദി പറഞ്ഞു. ഇതുവരെയുള്ള മത്സരങ്ങളിൽ ജയ്സ്വാളിന് തിളങ്ങാൻ ആയിരുന്നില്ല. തന്നെ വിശ്വസിച്ചതിനും തനിക്ക് അവസരങ്ങൾ തന്നതിനും സഞ്ജു സാംസണ് നൻസി പറയുന്നു എന്ന് ജയ്സ്വാൾ പറഞ്ഞു. ഇന്ന് 60 പന്തിൽ 104 റൺസുമായി ജയ്സ്വാൾ പുറത്താകാതെ നിന്നിരുന്നു.
“ഇന്ന് തുടക്കം മുതൽ ഞാൻ ശരിക്കും ബാറ്റിംഗ് ആസ്വദിച്ചു, പന്ത് ശരിയായി കാണുന്നുണ്ടെന്നും ശരിയായ ക്രിക്കറ്റ് ഷോട്ടുകൾ കളിക്കുന്നുണ്ടെന്നും ഞാൻ ഉറപ്പാക്കി. ഞാൻ ചെയ്യുന്നത് നന്നായി ചെയ്യാൻ ഞാൻ ശ്രമിക്കുന്നു, ചില ദിവസങ്ങളിൽ അത് നന്നായി വരുന്നു, ചില ദിവസങ്ങളിൽ അത് സംഭവിക്കുന്നില്ല, ഞാൻ അധികം ചിന്തിക്കുന്നില്ല.” ജയ്സ്വാൾ പറഞ്ഞു.
“എന്നെ നയിച്ച എല്ലാ മുതിർന്നവർക്കും നന്ദി പറയാൻ ഞാൻ ആഗ്രഹിക്കുന്നു. എനിക്ക് അവസരങ്ങൾ തന്നതിന് രാജസ്ഥാൻ റോയൽസ് മാനേജ്മെൻ്റിനും പ്രത്യേകിച്ച് സംഗ സാറിനും സഞ്ജു ഭായിക്കും നന്ദി പറയാൻ ഞാൻ ആഗ്രഹിക്കുന്നു.” ജയ്സ്വാൾ പറഞ്ഞു.
