ഐപിഎലില് ശിഖര് ധവാനില് നിന്ന് ഓറഞ്ച് ക്യാപ്പ് സ്വന്തമാക്കിയിരിക്കുകയാണ് ചെന്നൈ സൂപ്പര് കിംഗ്സിന്റെ ദക്ഷിണാഫ്രിക്കന് ഓപ്പണര് ഫാഫ് ഡു പ്ലെസി. ഇന്നലെ ചെന്നൈയ്ക്ക് വേണ്ടി 38 പന്തില് 56 റണ്സ് നേടിയ ഫാഫ് ശിഖര് ധവാനെക്കാള് വെറും 5 റണ്സിനാണ് മുന്നില്. ഫാഫിന് 270 റണ്സും ശിഖര് ധവാന് 265 റണ്സുമാണ് നേടിയിട്ടുള്ളത്.
ഓറഞ്ച് ക്യാപ് ധരിക്കാനായതില് സന്തോഷമുണ്ടെന്നും എന്നാല് ടീം വിജയിക്കുകയെന്നാണ് കൂടുതല് പ്രാധാന്യമുള്ള കാര്യമെന്നും ഓറഞ്ച് ക്യാപ്പ് ഉടമ വ്യക്തമാക്കി. താനും റുതുരാജും കൂടിയുള്ള ഓപ്പണിംഗ് കൂട്ടുകെട്ട് വളരെ പ്രൊഡക്ടീവായിരുന്നുവെന്നും ഫാഫ് ഡു പ്ലെസി അഭിപ്രായപ്പെട്ടു.
ടി20 ക്രിക്കറ്റില് ചെന്നൈ പോലുള്ള ഒരു ബാറ്റിംഗ് ലൈനപ്പ് വെച്ച് മികച്ച തുടക്കം നല്കുവാന് ഓപ്പണര്മാര്ക്ക് സാധിച്ചാല് തന്നെ അത് ശുഭ സൂചനയാണെന്ന് ഫാഫ് ഡു പ്ലെസി വ്യക്തമാക്കി.