കോടികളുടെ തിളക്കവുമായി രാഹുല്‍ തെവാത്തിയ ഗുജറാത്തിലേക്ക്

ചെന്നൈയും ഗുജറാത്തും തമ്മിലുള്ള ലേലത്തിന്റെ ഗുണഭോക്താവായി രാഹുല്‍ തെവാത്തിയ. മുന്‍ രാജസ്ഥാന്‍ റോയൽസ് താരം രാഹുല്‍ തെവാത്തിയയ്ക്കായി 9 കോടി രൂപയാണ് താരത്തെ സ്വന്തമാക്കുവാനായി ഗുജറാത്ത് ടൈറ്റന്‍സ് ചെലവാക്കിയത്.

ചെന്നൈയും ആര്‍സിബിയും ചേര്‍ന്നാണ് ലേലം തുടങ്ങിയത്. 40 ലക്ഷം ആയിരുന്നു താരത്തിന്റെ അടിസ്ഥാന വില. ദുബായിയിൽ നടന്ന ഐപിഎൽ പതിപ്പിൽ മിന്നും പ്രകടനം പുറത്തെടുത്ത താരത്തിന് കഴിഞ്ഞ സീസണിൽ അത്ര മികവ് പുലര്‍ത്താനായിരുന്നില്ല.