ഗുജറാത്ത് ടൈറ്റന്‍സിനെതിരെ 162/8 എന്ന സ്കോർ നേടി ഡൽഹി ക്യാപിറ്റൽസ്. 22 പന്തിൽ 32 റൺസ് നേടിയ അക്സര്‍ പട്ടേലാണ് ഡൽഹി സ്കോറിന് മാന്യത പകര്‍ന്നത്. ഡേവിഡ് വാര്‍ണര്‍ 37 റൺസുമായി ടോപ് സ്കോറര്‍ ആയപ്പോള്‍ സര്‍ഫ്രാസ് ഖാന്‍ 30 റൺസ് നേടി. അഭിഷേക് പോറെൽ 20 റൺസ് നേടി പുറത്തായി.
മൊഹമ്മദ് ഷമി പൃഷ്വി ഷായെയും മിച്ചൽ മാര്‍ഷിനെയും ആദ്യ ഓവറുകളിൽ തന്നെ പുറത്താക്കിയപ്പോള്‍ അൽസാരി ജോസഫ് ഡേവിഡ് വാര്‍ണറെ മടക്കിയയച്ചു. തൊട്ടടുത്ത പന്തിൽ റൈലി റൂസ്സോയുടെ വിക്കറ്റും അൽസാരി ജോസഫ് നേടിയപ്പോള്‍ 67/4 എന്ന നിലയിലേക്ക് ഡൽഹി വീണു.
അഭിഷേക് പോറെൽ – സര്‍ഫ്രാസ് കൂട്ടുകെട്ട് 34 റൺസ് അഞ്ചാം വിക്കറ്റിലും 29 റൺസ് സര്‍ഫ്രാസ് – അക്സര്‍ കൂട്ടുകെട്ട് അഞ്ചാം ആറാം വിക്കറ്റിലും നേടി.
ഗുജറാത്തിനായി മൊഹമ്മദ് ഷമിയും റഷീദ് ഖാനും മൂന്ന് വീതം വിക്കറ്റാണ് നേടിയത്.
