22കാരൻ ഫ്രേസർ മക്ഗർക് ഇന്ന് മുംബൈ ഇന്ത്യൻസിന് എതിരെ കളിച്ച ഇന്നിംഗ്സ് ഒരു ഭയവും ഇല്ലാത്ത ഇന്നിംഗ്സ് ആയിരുന്നു. 27 പന്തിൽ നിന്ന് 84 റൺസ്. തുടക്കം മുതൽ കളിച്ച അവസാന ബോൾ വരെ ആക്രമണം മാത്രമായി മക്ഗർകിന്റെ സമീപനം. ആദ്യ 7 ഓവറിൽ 114 റൺസ് ഡെൽഹിക്ക് അടിച്ചു കൂട്ടാൻ ഇതുകൊണ്ടായി. മക്ഗർക് ഇന്ന് ബുമ്രയുടെ മുന്നിൽ പോലും ഭയന്നില്ല എന്നതാണ് സത്യം.
ബുമ്രയെ ഒരു ഓവറിൽ നേരിട്ട മക്ഗർക് 18 റൺസ് ആണ് ആ ഓവറിൽ അടിച്ചത്. ഈ ഐ പി എല്ലിൽ ഏറ്റവും മികച്ച ഇക്കോണമിയുള്ള ബുമ്രക്കും മക്ഗർകിനെ തടയാൻ ആയില്ല. 6 സിക്സും 11 ഫോറും ആയിരുന്നു മക്ഗർകിന്റെ ഇന്നിംഗ്സിൽ ഉണ്ടായിരുന്നത്. 15 പന്തിൽ താരം അർധ സെഞ്ച്വറി അടിച്ച് തന്റെ ഏറ്റവും വേഗതയാർന്ന ഫിഫ്റ്റി എന്ന റെക്കോർഡിനൊപ്പവും എത്തി.
Jake Fraser-McGurk redefining the Powerplay in #TATAIPL 2024 🥵#IPLonJioCinema #DCvMI pic.twitter.com/vopxM9Btbh
— JioCinema (@JioCinema) April 27, 2024
മക്ഗർക്ക് നേരത്തെ ഈ ഐ പി എല്ലിൽ തന്നെ 15 പന്തിൽ ഫിഫ്റ്റി അടിച്ചിരുന്നു. അന്ന് സൺ റൗസേഴ്സിന് എതിരെ 18 പന്തിൽ നിന്ന് 65 റൺസായിരുന്നു താരം അടിച്ചത്.
