ലോകത്തിലെ തന്നെ ഏറ്റവും വേഗത്തിൽ പന്തെറിയുന്ന താരമാണ് ലോക്കി ഫെര്ഗൂസൺ. എന്നാൽ ഐപിഎലില് താരത്തെ വരെ ആവേശം കൊള്ളിക്കുകയാണ് സൺറൈസേഴ്സിന്റെ ഉമ്രാന് മാലിക്. ഉമ്രാന് മാലിക്കിനെ പോലെ വേഗത്തിൽ പന്തെറിയുവാന് ശേഷിയുള്ള യുവ പേസര്മാര് തന്നെ ആവേശം കൊള്ളിക്കുകയാണെന്നാണ് ലോക്കി ഫെര്ഗൂസൺ വ്യക്തമാക്കിയത്.
153.9 കിലോമീറ്റര് വേഗത്തിൽ പന്തെറിഞ്ഞ് ലോക്കി ഫെര്ഗൂസൺ ഐപിഎലിലെ ഏറ്റവും വേഗതയേറിയ പന്തിന് അര്ഹമായിരുന്നുവെങ്കിലും 154 കിലോമീറ്റര് വേഗത ക്ലോക്ക് ചെയ്ത് ലോക്കി ഫെര്ഗൂസണെ പിന്തള്ളി ഉമ്രാന് മാലിക് ഈ സീസണിലെ വേഗതയേറിയ പന്തിന് അര്ഹനായി മാറി. ഈ സീസണിലെ വേഗതയേറിയ അഞ്ച് പന്തുകള് എടുത്താൽ അതിൽ നാലെണ്ണം ഉമ്രാന് മാലിക്കിന്റെയാണ്.