പുതിയ സീസണില്‍ തങ്ങളുടെ ടീമില്‍ നിന്ന് ഗൗതം ഗംഭീറിനെയും ഗ്ലെന്‍ മാക്സ്വെല്ലിനെയും ഒഴിവാക്കി ഡല്‍ഹി ഡെയര്‍ ഡെവിള്‍സ്. കൊല്‍ക്കത്ത നൈറ്റ് റൈഡേഴ്സില്‍ നിന്ന് ഡല്‍ഹിയിലേക്ക് എത്തിയ ഗംഭീറിനെ ടീമില്‍ നിന്ന് കഴിഞ്ഞ സീസണ്‍ പാതിയില്‍ ഒഴിവാക്കിയിരുന്നു. അതിനു ശേഷം ശ്രേയസ്സ് അയ്യര്‍ ടീമിനെ നയിക്കുകയും ഗംഭീറിന്റെ സ്ഥാനം ബെഞ്ചിലാവുകയും ചെയ്തിരുന്നു.
എന്നാല്‍ വലിയ വില കൊടുത്ത് ലേലത്തില്‍ ടീം നേടിയ താരമായിരുന്നു ഗ്ലെന്‍ മാക്സ്വെല്‍. എന്നാല്‍ മധ്യനിരയില്‍ താരം മികവ് പുലര്‍ത്തുവാന്‍ സാധിക്കാതെ വന്നതും മാക്സ്വെല്ലിനു തിരിച്ചടിയായി. പത്ത് താരങ്ങളെയാണ് ഡല്‍ഹി ടീമില്‍ നിന്ന് റിലീസ് ചെയ്തത്.
മുഹമ്മദ് ഷമി, ജേസണ്‍ റോയ്, ജൂനിയര്‍ ഡാല, ലിയാം പ്ലങ്കറ്റ്, സയാന്‍ ഘോഷ്, നമന്‍ ഓജ, ഗുര്‍കീരത്ത് സിംഗ് മന്‍, ഡാനിയേല്‍ ക്രിസ്റ്റ്യന്‍ എന്നിവരും ഒഴിവാക്കപ്പെട്ടവരുടെ പട്ടികയില്‍ പെടും.
