ആദ്യ ജയം തേടി ഡൽഹി, തോൽവികളിൽ നിന്ന് തിരിച്ചുവരവ് നടത്തുവാന്‍ കൊൽക്കത്ത

ഐപിഎലില്‍ ഇന്നത്തെ രണ്ടാം മത്സരത്തിൽ ഡൽഹി ക്യാപിറ്റൽസും കൊൽക്കത്ത നൈറ്റ് റൈഡേഴ്സും ഏറ്റുമുട്ടുമ്പോള്‍ മത്സരത്തിൽ ടോസ് നേടി ബൗളിംഗ് തിരഞ്ഞെടുത്ത് ഡൽഹി ക്യാപിറ്റൽസ് നായകന്‍  ഡേവിഡ് വാര്‍ണര്‍. മഴ കാരണം ഒരു മണിക്കൂറിന് മേലെ വൈകിയാണ് ടോസ് നടന്നത്.

ഡൽഹി കളിച്ച അഞ്ച് മത്സരങ്ങളിലും പരാജയപ്പെട്ടപ്പോള്‍ കൊൽക്കത്ത അവസാനത്തെ രണ്ട് മത്സരങ്ങളിലും പരാജയപ്പെടുകയായിരുന്നു. രണ്ട് മാറ്റങ്ങളാണ് ഡൽഹി നിരയിലുള്ളത്. ഫിലിപ്പ് സാള്‍ട്ടും ഇഷാന്ത് ശര്‍മ്മയും ടീമിലേക്ക് എത്തുന്നു. നാല് മാറ്റങ്ങളാണ് കൊൽക്കത്ത നിരയിലുള്ളത്. ജേസൺ റോയ്, ലിറ്റൺ ദാസ്, ഖുൽവന്ത് ഖെജ്രോലിയ, മന്‍ദീപ് സിംഗ് എന്നിവര്‍ ടീമിലേക്ക് എത്തുന്നു.

ഡൽഹി ക്യാപിറ്റൽസ്: David Warner(c), Philip Salt(w), Mitchell Marsh, Manish Pandey, Axar Patel, Aman Hakim Khan, Lalit Yadav, Kuldeep Yadav, Anrich Nortje, Ishant Sharma, Mukesh Kumar

കൊൽക്കത്ത നൈറ്റ് റൈഡേഴ്സ് : Jason Roy, Litton Das(w), Venkatesh Iyer, Nitish Rana(c), Mandeep Singh, Andre Russell, Rinku Singh, Sunil Narine, Kulwant Khejroliya, Umesh Yadav, Varun Chakaravarthy