ഇംഗ്ലീഷ് ഓൾറൗണ്ടർ ക്രിസ് വോക്സിനെ പഞ്ചാബ് കിംഗ്സ് സ്വന്തമാക്കി. കൊൽക്കത്ത നൈറ്റ് റൈഡേഴ്സും പഞ്ചാബ് കിങ്സും ആയിരുന്നു താരത്തിനായി രംഗത്ത് ഉണ്ടായിരുന്നത്. 2 കോടി ആയിരുന്നു വോക്സിന്റെ അടിസ്ഥാന വില. അവസാനം 4.2 കോടിക്ക് പഞ്ചാബ് താരത്തെ സ്വന്തമാക്കി.
മുമ്പ് ഡെൽഹി ക്യാപിറ്റൽസിനായും കൊൽക്കത്ത നൈറ്റ് റൈഡേഴ്സിനായും ആർ സി ബിക്ക് ആയും വോക്സ് കളിച്ചിട്ടുണ്ട്. ഐ പി എല്ലിൽ ആകെ 21 മത്സരങ്ങളിൽ നിന്ന് 31 വിക്കറ്റ് വോക്ക്സ് ഇതുവരെ വീഴ്ത്തിയിട്ടുണ്ട്. ബാറ്റു കൊണ്ട് കാര്യമായി ഇന്ത്യയിൽ താരം തിളങ്ങിയിട്ടില്ല.
