അശ്വിന്റെ മങ്കാഡ് രീതിയിലുള്ള ജോസ് ബട്ലറുടെ പുറത്താക്കലിന്മേലുള്ള തന്റെ അഭിപ്രായം അറിയിച്ച് മുന് ഇന്ത്യന് താരം രാഹുല് ദ്രാവിഡ്. ക്രിക്കറ്റിലെ നിയമപ്രകാരം അശ്വിന് ചെയ്തത് ശരിയാണ്. അതിനുള്ള അവകാശം നിയമങ്ങള് അശ്വിനു നല്കുന്നുണ്ട്. എന്നാല് തന്റെ വ്യക്തിപരമായ അഭിപ്രായം ആദ്യം ഒരു മുന്നറിയിപ്പ് നല്കേണ്ടതായിരുന്നുവെന്നും രാഹുല് ദ്രാവിഡ് പറഞ്ഞു.
അന്ന് നടന്നത് നിയമപ്രകാരമുള്ള കാര്യമാണ് അതിനാല് അവിടെ കൂടുതല് സംശയമൊന്നുമില്ല. അത് ആരെങ്കിലും ചെയ്യാനുദ്ദേശിക്കുന്നുണ്ടെങ്കില് തനിക്ക് എതിരഭിപ്രായമെന്നുമില്ല. എന്നാല് തന്റെ വ്യക്തിപരമായ അഭിപ്രായം മുന്നറിയിപ്പ് നല്കണമെന്നാണ് അത് ഒരാള് ചെയ്തില്ലെങ്കിലും തനിക്ക് എതിരഭിപ്രായമില്ലെന്നും ദ്രാവിഡ് പറഞ്ഞു.
