കെ എൽ രാഹുൽ ടി20 ക്രിക്കറ്റിൽ ഏറ്റവും വേഗത്തിൽ 7000 റൺസ് തികയ്ക്കുന്ന ഇന്ത്യൻ താരമായി മാറു. ഇന്ന് ഗുജറാത്ത് ടൈറ്റൻസിന് എതിരായ മത്സരത്തിലെ ഇന്നിംഗ്സിലൂടെ ആണ് രാഹുൽ ഈ നേട്ടത്തിലേക്ക് എത്തിയത്. വിരാട് കോഹ്ലിയുടെ റെക്കോർഡ് ആണ് രാഹുൽ മറികടന്നത്.
തന്റെ 212-ാം ഇന്നിംഗ്സിൽ ആയിരുന്നു വിരാട് കോഹ്ലി 7000 റണ്ണിൽ എത്തിയത്. രാഹുൽ 197-ാം ഇന്നിംഗ്സിൽ ഈ നേട്ടത്തിലേക്ക് എത്തി. ലോക ക്രിക്കറ്റിൽ വേഗമേറിയ 7000 റൺസിൽ മൂന്നാം സ്ഥാനവും രാഹുൽ സ്വന്തമാക്കി. 187-ാം ഇന്നിംഗ്സിൽ 7000 റൺസ് പിന്നിട്ട ബാബർ അസമാണ് ഒന്നാമത്. ഗെയ്ല് രണ്ടാമതും നിൽക്കുന്നു.
