തനിക്ക് ഇനി ഒരു അവസരം ലഭിയ്ക്കുകയാണെങ്കില്‍ ഇന്ത്യന്‍ ടീമിനൊപ്പം വിക്കറ്റ് കീപ്പിംഗ് റോളും ഏറ്റെടുക്കുവാനും താന്‍ തയ്യാറാണെന്ന് പറഞ്ഞ് റോബിന്‍ ഉത്തപ്പ. ഇന്ത്യയ്ക്ക് വേണ്ടി കളിക്കുവാനുള്ള തന്റെ ആഗ്രഹം ഇനിയും അവശേഷിക്കുകയാണെന്നും തനിക്ക് വീണ്ടും അവസരം ലഭിയ്ക്കുമെന്നാണ് പ്രതീക്ഷിക്കുന്നതെന്നും താരം വ്യക്തമാക്കി.
ഇന്ത്യയ്ക്ക് വേണ്ടിയും ഐപിഎലിലും താന്‍ മുമ്പ് വിക്കറ്റ് കീപ്പിംഗ് ദൗത്യം ഏറ്റെടുത്തിട്ടുണ്ട്. ഐപിഎലില്‍ കൊല്‍ക്കത്ത നൈറ്റ് റൈഡേഴ്സ് വിക്കറ്റ് കീപ്പിംഗ് ദൗത്യം ഭേദപ്പെട്ട രീതിയില്‍ താരം നടപ്പിലാക്കിയിട്ടുണ്ട്. ഇപ്പോള്‍ രാജസ്ഥാന്‍ റോയല്‍സ് താരത്തെ ടീമില്‍ എത്തിച്ചിരിക്കുകയാണ്.
