ധാക്കയിൽ ഇന്ത്യയുടെ നാല് വിക്കറ്റുകള്‍ വീഴ്ത്തി ബംഗ്ലാദേശ്. 227 റൺസിന് ബംഗ്ലാദേശിനെ പുറത്താക്കിയ ഇന്ത്യ രണ്ടാം ദിവസം 19/0 എന്ന നിലയിലാണ് ബാറ്റിംഗ് പുനരാരംഭിച്ചത്. കെഎൽ രാഹുല്‍(10), ശുഭ്മന്‍ ഗിൽ(20), ചേതേശ്വര്‍ പുജാര(24), വിരാട് കോഹ്‍ലി(24) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.
40 ഓവര്‍ പിന്നിടുമ്പോള്‍ ഇന്ത്യ 101/4 എന്ന നിലയിലാണ്. 20 റൺസുമായി ഋഷഭ് പന്തും 1 റൺസ് നേടി ശ്രേയസ്സ് അയ്യരുമാണ് ക്രീസിൽ. ബംഗ്ലാദേശിന്റെ സ്കോറിന് 126 റൺസ് പിന്നിലാണ് ഇന്ത്യ ഇപ്പോള്‍.
ബംഗ്ലാദേശിനായി തൈജുൽ ഇസ്ലാം മൂന്ന് വിക്കറ്റ് വീഴ്ത്തി മത്സരത്തിൽ ടീമിന്റെ പ്രതീക്ഷകള്‍ കാത്ത് സൂക്ഷിച്ചു.
