ഇന്ത്യക്ക് ഇത്ര നല്ല പേസർമാർ ഉള്ളപ്പോൾ ഇന്ത്യ എന്തിന് ടേണിംഗ് പിച്ച് ഒരുക്കണം എന്ന് സൗരവ് ഗാംഗുലി. ഇന്നലെ ഇംഗ്ലണ്ടിനെതിരായ ബുമ്രയുടെ പ്രകടനത്തെ പ്രശംസിച്ച് കൊണ്ട് സംസാരിക്കുകയായിരുന്നു സൗരവ് ഗാംഗുലി. ഇന്ത്യ നല്ല പിച്ചുകളിൽ കളിക്കാനുള്ള ടീമായിട്ടുണ്ട് എന്ന് അദ്ദേഹം പറഞ്ഞു.
“ബുംറ, ഷമി, സിറാജ്, മുകേഷ് എന്നിവർ ബൗൾ ചെയ്യുന്നത് കാണുമ്പോൾ, എന്തുകൊണ്ടാണ് നമ്മൾ ഇന്ത്യയിൽ ടേണിംഗ് ട്രാക്കുകൾ ഒരുക്കേണ്ടതെന്ന് ഞാൻ ചിന്തിക്കുന്നു… നല്ല വിക്കറ്റുകളിൽ ഇന്ത്യ കളിക്കുമെന്ന എൻ്റെ ബോധ്യം ഓരോ കളിയിലും കൂടുതൽ ശക്തമാവുകയാണ്.” ഗാംഗുലി പറഞ്ഞു.
“അശ്വിൻ, ജഡേജ, കുൽദീപ്, അക്സർ എന്നിവരോടൊപ്പം അവർക്ക് ഏത് പിച്ചിലും 20 വിക്കറ്റുകൾ എടുക്കാനുള്ള ടീം ഇന്ത്യക്ക് ഉണ്ട്, ”ഗാംഗുലി തൻ്റെ എക്‌സ് അക്കൗണ്ടിൽ കുറിച്ചു.
