ഇന്ത്യ പാകിസ്താൻ മത്സരം എല്ലാ മത്സരങ്ങൾക്കും മുകളിൽ ആണെന്ന് പാകിസ്താൻ ഇതിഹാസ ബൗളർ വഖാർ യൂനുസ്. ഇത് ഏറ്റവും വലിയ ഗെയിമായിരിക്കും, എല്ലാ ഗെയിമുകളുടെയും മേലെ. വഖാർ പറഞ്ഞു. അതിനാൽ തന്നെ ലോകത്തിലെ ഏറ്റവും വലുതും മികച്ചതുമായ സ്റ്റേഡിയങ്ങളിൽ ഒന്നായ അഹമ്മദാബാദിൽ നിങ്ങൾ കളിക്കുമ്പോൾ, നിങ്ങളുടെ നിയന്ത്രണം നിങ്ങൾക്കുണ്ടാകണം. പാകിസ്താൻ സമ്മർദ്ദത്തിലാകും. ഇന്ത്യ ആണ് ഫേവറിറ്റ് എന്നത് കൊണ്ട് ഇന്ത്യയും സമ്മർദ്ദത്തിലാകും. വഖാർ പറയുന്നു.
സ്റ്റേഡിയത്തിലെ കാണികൾ ഇരു ടീമുകൾക്കും സമ്മർദ്ദം സൃഷ്ടിക്കും, ടീമിന്റെ പ്രകടനത്തെ അടിസ്ഥാനമാക്കി വിലയിരുത്തിയാൽ, തീർച്ചയായും ഇന്ത്യയാണ് മികച്ച ടീം” വഖാർ പറഞ്ഞു. നസീം ഷായുടെ അഭാവം പാകിസ്താന് വലിയ തിരിച്ചടിയായിരിക്കും എന്നും വഖാർ പറയുന്നു. നസീമും ഷഹീനും തമ്മിലുള്ള ബൗളിംഗ് കൂട്ടുകെട്ട് മികച്ചതായിരുന്നു എന്നും അദ്ദേഹം പറഞ്ഞു.
