ടി20 ലോകകപ്പിൽ ഇന്ത്യ പാകിസ്താൻ ഫൈനൽ ആണ് തന്റെയും ആഗ്രഹം എന്ന് എ ബി ഡിവില്ലിയേഴ്സ്. ട്വിറ്ററിലൂടെ ആണ് മുൻ ദക്ഷിണാഫ്രിക്കൻ താരം ലോകകപ്പ് ഫൈനൽ ആരാകും എന്ന കാര്യത്തിൽ അഭിപ്രായം പറഞ്ഞത്. ട്വിറ്ററിൽ ഇതു സംബന്ധിച്ച് ഒരു വോട്ടെടുപ്പും ഡി ല്ലിയേഴ്സ് നടത്തി.
ഒരു ഫാന്റസി ഫൈനൽ ആകും ഇത്! ഇതുവരെ 70% പേർ ഇന്ത്യ പാകിസ്താൻ ഫൈനൽ വേണം എന്ന് വോട്ട് ചെയ്തിട്ടുണ്ട് എന്ന് ഡി വില്ലിയേഴ്സ് പറഞ്ഞു എന്നാൽ ന്യൂസിലൻഡിനും ഇംഗ്ലണ്ടിനും ഈ ഫൈനലിനു മുമ്പ് ചില കാര്യങ്ങൾ പറയാനുണ്ടാകും എന്ന് എ ബി ഡി പറഞ്ഞു.
ടീമുകൾ മികച്ച ഫോമിലാണ് എന്നും. രണ്ട് ഇതിഹാസ സെമി ഫൈനൽ പോരാട്ടങ്ങളായിരിക്കും നടക്കുക എന്നും ഡി വില്ലിയേഴ്സ് പറഞ്ഞു. എന്റെ വോട്ട് ഇന്ത്യ/പാക് ഫൈനലിനു വേണ്ടിയുള്ളതാണ്, അത് ഒരു തകർപ്പൻ മത്സരം ആകും എന്ന് ഡിവില്ലിയേഴ്സ് ട്വീറ്റ് ചെയ്തു.
