വെസ്റ്റിൻഡീസിന് എതിരായ രണ്ടാം ടെസ്റ്റിലെ ഇന്ത്യയുടെ ആദ്യ ഇന്നിംഗ് 438 റൺസിൽ അവസാനിച്ചു. ഇന്ന് കോഹ്ലി പുറത്തായതിനു പിന്നാലെ പെട്ടെന്ന് ഇന്ത്യൻ ബാറ്റിങ് വീഴാൻ തുടങ്ങി. കോഹ്ലി 121 റൺസ് എടുത്താണ് പുറത്തായത്. 61. റൺസുമായി ജഡേജ കോഹ്ലിക്ക് നല്ല പിന്തുണ നൽകിയിരുന്നു.
ഇഷൻ കിഷൻ 25 റൺസ് എടുത്തും പുറത്തായി. അവസാനം അശ്വിൻ 78 പന്തിൽ നിന്ന് 56 റൺസ് അടിച്ചത് ഇന്ത്യയെ 400നു മുകളിൽ എത്തിച്ചു. എട്ട് ബൗണ്ടറികൾ അടങ്ങുന്നതായിരുന്നു അശ്വിന്റെ ഇന്നിംഗ്സ്.
വെസ്റ്റിൻഡീസിനായി കെമർ റോചും വരികാനും 3 വിക്കറ്റുകൾ വീതം വീഴ്ത്തി. ഹോൾദർ രണ്ട് വിക്കറ്റും വീഴ്ത്തി. ഇന്ന് ഇനിയും 40ൽ അധികം ഓവറുകൾ ബാക്കിയുണ്ട്. വെസ്റ്റിൻസിനെ ബൗളു കൊണ്ടും പ്രതിരോധത്തിൽ ആക്കാൻ ആകും എന്ന് ഇന്ത്യ പ്രതീക്ഷിക്കുന്നു.
