2015നു ശേഷം ആദ്യമായി ഇന്ത്യൻ ക്രിക്കറ്റ് ടീം ബംഗ്ലാദേശ് സന്ദർശനം നടത്തുന്നു. മൂന്ന് ഏകദിനങ്ങൾക്കും രണ്ട് ടെസ്റ്റുകൾക്കുമായാകും ഇന്ത്യ ബംഗ്ലാദേശിലേക്ക് പോവുക. ഡിസംബർ 4 ന് എകദിന പരമ്പര ആരംഭിക്കും. ഡിസംബർ അവസാനം വരെ ഇന്ത്യ ബംഗ്ലാദേശിൽ തുടരും.
ഇന്ത്യയെ സ്വാഗതം ചെയ്യുന്നതിൽ ബിസിബി പ്രസിഡന്റ് നസ്മുൽ ഹസ്സൻ സന്തോഷം പ്രകടിപ്പിച്ചു. സമീപകാല ചരിത്രത്തിലെ ബംഗ്ലാദേശ്-ഇന്ത്യ പോരാട്ടങ്ങൾ ഞങ്ങൾക്ക് ചില ഐതിഹാസിക മത്സരങ്ങൾ നൽകിയിട്ടുണ്ട്. ഇരു രാജ്യങ്ങളിലെയും ആരാധകർ മറ്റൊരു അവിസ്മരണീയമായ പരമ്പര ആയിരിക്കും ഇത് എന്നും പരമ്പര ആരംഭിക്കാൻ ആകാംക്ഷയോടെ കാത്തിരിക്കുകയാണ് എന്നും ബിസിബി പ്രസിഡന്റ് നസ്മുൽ ഹസ്സൻ പറഞ്ഞു.
