പടു കൂറ്റന്‍ ജയം, ഇന്ത്യന്‍ വനിതകളും ജയം തുടരുന്നു

Sports Correspondent

Download the Fanport app now!
Appstore Badge
Google Play Badge 1

178 റണ്‍സിന്റെ പടുകൂറ്റന്‍ ജയവുമായി ഇന്ത്യന്‍ വനിതകള്‍ തങ്ങളുടെ ദക്ഷിണാഫ്രിക്കന്‍ ജൈത്രയാത്ര തുടരുന്നു. സ്മൃതി മന്ഥാന നേടിയ ശതവും ഹര്‍മ്മന്‍പ്രീത് കൗര്‍, വേദ കൃഷ്ണമൂര്‍ത്തി എന്നിവരുടെ അര്‍ദ്ധ ശതകങ്ങളും ആദ്യം ബാറ്റ് ചെയ്ത ഇന്ത്യയെ 50 ഓവറില്‍ 3 വിക്കറ്റ് നഷ്ടത്തില്‍ 302 റണ്‍സ് നേടുവാന്‍ സഹായിക്കുകയായിരുന്നു. മറുപടി ബാറ്റിംഗിനിറങ്ങിയ ദക്ഷിണാഫ്രിക്ക 124 റണ്‍സിനു ഓള്‍ഔട്ട് ആയി.

ആദ്യം ബാറ്റ് ചെയ്ത ഇന്ത്യയ്ക്ക് വേണ്ടി സ്മൃതി(135) റണ്‍സ് നേടിയപ്പോള്‍ ഹര്‍മ്മന്‍പ്രീത്(55*), വേദ കൃഷ്ണമൂര്‍ത്തി(51*) എന്നിവര്‍ പുറത്താകാതെ മികച്ച ബാറ്റിംഗ് പുറത്തെടുത്തു. വേദ കൃഷ്ണമൂര്‍ത്തി 33 പന്തില്‍ നിന്നാണ് 51 റണ്‍സ് നേടിയത്.

ദക്ഷിണാഫ്രിക്കയുടെ നാല് വിക്കറ്റുകളാണ് പൂനം യാദവ് വീഴ്ത്തിയത്. രാജേശ്വരി ഗായക്വാഡ്, ദീപ്തി ശര്‍മ്മ എന്നിവര്‍ രണ്ട് വീതം വിക്കറ്റ് വീഴ്ത്തി. ജൂലന്‍ ഗോസ്വാമിയും ഒരു വിക്കറ്റുമായി വിക്കറ്റ് പട്ടികയില്‍ ഇടം പിടിച്ചു. ഓപ്പണര്‍ ലിസെല്ലേ ലീയാണ് ദക്ഷിണാഫ്രിക്കയുടെ ടോപ് സ്കോറര്‍. 73 റണ്‍സ് നേടിയ താരം ഏഴാം വിക്കറ്റായാണ് പുറത്തായത്. ദീപ്തി ശര്‍മ്മയാണ് ലീയെ വിക്കറ്റിനു മുന്നില്‍ കുടുക്കിയത്.

ആദ്യ മത്സരത്തില്‍ ദക്ഷിണാഫ്രിക്കയെ 88 റണ്‍സിനു ഇന്ത്യ പരാജയപ്പെടുത്തിയിരുന്നു. ഇന്നത്തെ ജയത്തോടെ ഇന്ത്യ പരമ്പര 2-0നു സ്വന്തമാക്കി.

കൂടുതൽ കായിക വാർത്തകൾക്ക് : www.facebook.com/FanportOfficial