പരമ്പര വിജയത്തിനായി സിഡ്നിയിലിറങ്ങുന്ന ഇന്ത്യ തങ്ങളുടെ 13 അംഗ സംഘത്തെ പ്രഖ്യാപിച്ചു. രോഹിത് ശര്‍മ്മയില്ലാതെയാണ് ഇന്ത്യന്‍ ടീം പ്രഖ്യാപിച്ചിരിക്കുന്നത്. കെഎല്‍ രാഹുല്‍ 13 അംഗ സംഘത്തിലെത്തിയപ്പോള്‍ രവിചന്ദ്രന്‍ അശ്വിനും രവീന്ദ്ര ജഡേജയും ഉമേഷ് യാദവും ടീമില്‍ ഉള്‍പ്പെട്ടിട്ടുണ്ട്. കുല്‍ദീപ് യാദവും ടീമിലെ സ്പിന്നറാണ്.
അശ്വിന്‍ കളിയ്ക്കില്ലെന്ന് പ്രഖ്യാപനം വന്ന് അല്പ സമയം കഴിഞ്ഞാണ് പ്രഖ്യാപിച്ച സ്ക്വാഡില്‍ അശ്വിനെ ഇന്ത്യ ഉള്‍പ്പെടുത്തിയത്. എന്നാല്‍ താരം കളിയ്ക്കുന്ന കാര്യം ടെസ്റ്റിന്റെ അന്ന് രാവിലെ മാത്രമേ തീരുമാനിക്കുകയുള്ളുവെന്നും ടീം മാനേജ്മെന്റ് അറിയിച്ചു.
ഇന്ത്യ: വിരാട് കോഹ്‍ലി, അജിങ്ക്യ രഹാനെ, കെഎല്‍ രാഹൂല്‍, മയാംഗ് അഗര്‍വാല്‍, ചേതേശ്വര്‍ പുജാര, ഹനുമ വിഹാരി, ഋഷഭ് പന്ത്, രവീന്ദ്ര ജഡേജ, കുല്‍ദീപ് യാദവ്, രവിചന്ദ്രന്‍ അശ്വിന്‍, മുഹമ്മദ് ഷമി, ജസ്പ്രീത് ബുംറ, ഉമേഷ് യാദവ്
