ഇംഗ്ലണ്ടിന് എതിരായ നാലാം ടെസ്റ്റിന്റെ രണ്ടാം ദിവസം ചായക്ക് പിരിയുമ്പോൾ ഇന്ത്യ 131-4 എന്ന നിലയിൽ. ഷൊഹൈബ് ബഷീറിന്റെ സ്പിന്നിന് മുന്നിൽ ഇന്ത്യൻ മുൻനിര ബാറ്റർമാർ പതറുന്നത് ആണ് കാണാൻ ആയത്. ഇപ്പോൾ 54 റൺസുമായി യശസ്വി ജയ്സ്വാളും 1 റണ്ണുമായി സർഫറാസ് ഖാനും ആണ് ക്രീസിൽ ഉള്ളത്.
നേരത്തെ ആൻഡേഴ്സണു മുന്നിൽ 1 റൺ എടുത്ത രോഹിത് ശർമ്മ വീണിരുന്നു. 38 റൺസ് എടുത്ത ഗിൽ, 17 റൺസ് എടുത്ത രജത് പടിദാർ, 12 റൺസ് എടുത്ത ജഡേജ എന്നിവരെ ഷൊഹൈബ് ബഷീർ പുറത്താക്കി. ഇന്ത്യ ഇപ്പോഴും ഇംഗ്ലണ്ടിന്റെ ഒന്നാം ഇന്നിംഗ്സ് സ്കോറിന് 222 റൺസ് പിറകിലാണ്.
