ഇന്നലെ റാങ്കിംഗിൽ ഇന്ത്യ ഒന്നാമത് എത്താൻ കാരണമായ പിഴവിന് മാപ്പു പറഞ്ഞു ഐ സി സി. ഇന്നലെ വന്ന സാങ്കേതിക പിഴവിന്റെ ഫലമായി ടെസ്റ്റ് റാങ്കിംഗിൽ ഇന്ത്യ കുറച്ചു നേരം ഒന്നാം സ്ഥാനത്ത് എത്തിയിരുന്നു. ഇതോടെ ഇന്ത്യ ക്രിക്കറ്റിന്റെ മൂന്ന് ഫോർമാറ്റുകളിലും ഒന്നാം സ്ഥാനത്ത് ആക്കുകയും അത് വലിയ വാർത്തയും ആയിരിന്നു. എന്നാൽ മണിക്കൂറുകൾക്ക് അകം ആ സന്തോഷം ഇല്ലാതായി.
നാഗ്പൂർ ടെസ്റ്റിൽ ഓസ്‌ട്രേലിയയ്‌ക്കെതിരെ രോഹിത് ശർമ്മയുടെ നേതൃത്വത്തിലുള്ള ഇന്ത്യൻ ടീം ഇന്നിംഗ്‌സിനും 132 റൺസിനും നേടിയ ഉജ്ജ്വല വിജയത്തെ തുടർന്നാണ് ഇന്ത്യ റാങ്കിംഗിൽ ഒന്നാമത് എത്തിയത് എന്നായിരുന്നു കരുതിയത്‌. എന്നാൽ പിഴവുകൾ ഐ സി സി പരിഹരിച്ചതോടെ റാങ്കിംഗിൽ ഓസ്‌ട്രേലിയ ഒന്നാം സ്ഥാനത്തേക്ക് തിരിച്ചെത്തി. 115 റേറ്റിംഗ് പോയിന്റുമായി ഇന്ത്യ രണ്ടാം സ്ഥാനത്തേക്ക് പിന്തള്ളപ്പെടുകയും ചെയ്തു.
തെറ്റിന് ക്ഷമാപണം നടത്തിയ ഐ സി സി ഭാവിയിൽ ഇത്തരം തകരാറുകൾ ഉണ്ടാകാതിരിക്കാനുള്ള നടപടികൾ സ്വീകരിച്ചുകൊണ്ടിരിക്കുകയാണെന്ന് ആരാധകർക്ക് ഉറപ്പുനൽകി.
