ധോണിയോടൊപ്പം കളിക്കുകയും ഇന്ത്യയെ വിജയത്തിലേക്ക് നയിക്കാൻ കഴിഞ്ഞതും ജീവിതത്തിലെ ഭാഗ്യമായി കരുതുന്നുവെന്ന് ഇന്ത്യൻ ഓൾ റൗണ്ടർ കേദാർ ജാദവ്. ധോണിയുടെ കൂടെ ബാറ്റ് ചെയുമ്പോൾ തന്റെ ആത്മവിശ്വാസം വർധിക്കുന്നുവെന്നും പേടിക്കാതെ ബാറ്റ് ചെയ്യാൻ കഴിയുന്നുവെന്നും ജാദവ് പറയുന്നു. കഴിഞ്ഞ ദിവസം നടന്ന ഓസ്‌ട്രേലിയക്കെതിരായ ആദ്യ ഏകദിന മത്സരത്തിൽ ഒരു വിക്കറ്റ് എടുക്കുകയും ധോണിയുടെ കൂടെ 141 റൺസ് പാർട്ണര്ഷിപ് ഉണ്ടാക്കി 81 റൺസ് നേടി ഇന്ത്യയെ വിജയത്തിലേക്ക് നയിച്ചതും കേദാർ ജാദവ് ആയിരുന്നു.
“ധോണിയുടെ കൂടെ ബാറ്റ് ചെയുക എന്നത് വളരെ പ്രത്യേകതയുള്ളതാണ്, ഞാൻ കളിച്ചു തുടങ്ങുന്ന സമയത്ത് ധോണി ബാറ്റ് ചെയുന്നത് ടിവിയിൽ കണ്ടിട്ടുണ്ട്. ഇന്ന് പക്ഷെ ധോണിയുടെ കൂടെ കളിക്കാനും ഇന്ത്യക്ക് വേണ്ടി മത്സരം വിജയിപ്പിക്കാനും കഴിഞ്ഞു. ജീവിതത്തിലെ സ്വപ്‌നങ്ങൾ പൂവണിയുക ഇങ്ങനെയാണ്, വളരെ ഭാഗ്യം ചെയ്തതായി തോന്നുന്നു” ജാദവ് പറഞ്ഞു.
Chahal TV IS BACK – Your host & dost @yuzi_chahal gets you @imkuldeep18 & @JadhavKedar together to relive the 1st ODI win & discuss the @msdhoni magic – DO NOT MISS THIS – by @28anand #TeamIndia #INDvAUS
Full Video Link 😍😎👉👉 – https://t.co/zR1kBUViiZ pic.twitter.com/EfQRNWO2mc
— BCCI (@BCCI) March 3, 2019
കഴിഞ്ഞ കുറച്ചു വര്ഷങ്ങളായി ഇന്ത്യയുടെ മികച്ച യൂട്ടിലിറ്റി കളിക്കാരൻ ആണ് കേദാർ ജാദവ്. ബാറ്റ്‌സ്മാന്മാർക്ക് ആശയക്കുഴപ്പം ഉണ്ടാക്കുന്ന രീതിയിൽ ഉള്ള ബൗളിംഗ് ആക്ഷനാണ് കേദാർ ജാദവിനു ഉള്ളത്, 55 മത്സരങ്ങളിൽ നിന്നയി ഇതുവരെ 26 വിക്കറ്റുകൾ ജാദവ് നേടിയിട്ടുണ്ട്.
