ഇംഗ്ലണ്ടിന്റെ രണ്ടാം ടെസ്റ്റിലെ 57 റണ്‍സിന്റെ വിജയവും പരമ്പര 2-0നു സ്വന്തമാക്കിയതും ടീമിനു ഇരട്ടി മധുരമായി മാറുകയാണ്. നീണ്ട 18 വര്‍ഷത്തെ ഇടവേളയ്ക്ക് ശേഷമാണ് ടീമിനു ശ്രീലങ്കയില്‍ ഒരു പരമ്പര വിജയം സാധ്യമാകുന്നത്. അഞ്ചാം ദിവസം കളി ആരംഭിച്ച അര മണിക്കൂറിനുള്ളില്‍ ഇംഗ്ലണ്ടിനെ വിജയത്തിലേക്ക് നയിക്കുമ്പോള്‍ മോയിന്‍ അലിയുടെയും ജാക്ക് ലീഷിന്റെയും പ്രകടനം എടുത്ത് പറയേണ്ടതാണ്.
വിജയം കുറിച്ച മലിന്‍ഡ പുഷ്പകുമാരയുടെ വിക്കറ്റ് വീഴ്ത്തി ലീഷ് അഞ്ച് വിക്കറ്റ് നേട്ടം സ്വന്തമാക്കിയപ്പോള്‍ മോയിന്‍ അലി നാല് വിക്കറ്റും നേടി. ഇംഗ്ലണ്ടിന്റെ 2015-16 സീസണില്‍ ദക്ഷിണാഫ്രിക്കയ്ക്കെതിരെ നേടിയ എവേ ജയത്തിനു ശേഷം ഇത് ആദ്യമായാണ് നാട്ടിനു പുറത്ത് ഒരു വിജയം കൊയ്യാനാകുന്നത്.
