ക്രിക്കറ്റിൽ താരങ്ങളിൽ പ്രായത്തിൽ ക്രമക്കേട് നടത്തുന്നത് തടയാൻ 24 മണിക്കൂറും പ്രവർത്തിക്കുന്ന ഹെല്പ് ലൈൻ സംവിധാനം ഒരുക്കി ബി.സി.സി.ഐ. നേരത്തെ ഉത്തേജക മരുന്നിന്റെ ഉപയോഗം തടയുന്നതിന്റെ ഭാഗമായി 24 മണിക്കൂറും പ്രവർത്തിക്കുന്ന ഹെല്പ് ലൈൻ ബി.സി.സി.ഐ തുടങ്ങിയിരുന്നു.
2019-20 സീസണിൽ നടക്കുന്ന എല്ലാ മത്സരങ്ങളുടെയും ഡ്രസിങ് റൂമിൽ ഇത് പ്രകാരം നമ്പർ പ്രദർശിപ്പിക്കും. പ്രായത്തിൽ തട്ടിപ്പ് നടത്തുന്നതുമായി ബന്ധപ്പെട്ട് എന്ത് വിവരങ്ങൾ നൽകാൻ ഉദ്ദേശിക്കുന്നവർക്കും ഈ നമ്പർ ഉപയോഗിക്കാം. വിവരങ്ങൾ നൽകുന്നവരുടെ വിവരങ്ങൾ രഹസ്യമായി സൂക്ഷിക്കുമെന്നും ബി.സി.സി.ഐ അറിയിച്ചിട്ടുണ്ട്.
