കാല്‍മുട്ടിനേറ്റ പരിക്ക് മൂലം പാക്കിസ്ഥാന്റെ മധ്യനിര ബാറ്റ്സ്മാന്‍ ഹാരിസ് സൊഹൈല്‍ ദക്ഷിണാഫ്രിക്കയില്‍ നിന്ന് മടങ്ങുന്നു. ഇതേ പരിക്ക് മൂലം താരം പരമ്പരയിലെ ആദ്യ ടെസ്റ്റിലും കളിച്ചിരുന്നില്ല. ദക്ഷിണാഫ്രിക്കയിലേക്ക് വരുന്നതിനു മുമ്പ് തന്നെ താരത്തെ പരിക്ക് അലട്ടുന്നുണ്ടായിരുന്നുവെന്നും ഇവിടെ എത്തിയ ശേഷം കൂടുതല്‍ വഷളാവുകയായിരുന്നു സ്ഥിതിയെന്നും വേണം മനസ്സിലാക്കുവാന്‍.
ബോക്സിംഗ് ഡേ ടെസ്റ്റിനു മണിക്കൂറുകള്‍ക്ക് മുമ്പാണ് ഷാന്‍ മക്സൂദിനെ ടീമിലേക്ക് പാക്കിസ്ഥാന് ഉള്‍പ്പെടുത്തിയത്. ഹാരിസ് സൊഹൈലിനു കളിക്കുവാനാകില്ലെന്ന് മനസ്സിലാക്കിയതിനെത്തുടര്‍ന്നാണ് ഇത്. മക്സൂദ് തനിക്ക് ലഭിച്ച അവസരം 65 റണ്‍സ് നേടി ഇരു കൈയ്യും നീട്ടി സ്വീകരിക്കുകയും ചെയ്തു.
