വൈറ്റ് ബോൾ ക്രിക്കറ്റിൽ ടീം ഇന്ത്യയുടെ വൈസ് ക്യാപ്റ്റനായി ശുഭ്മാൻ ഗില്ലിനെ നിയമിച്ചതിന് പിന്നിലെ യുക്തി വ്യക്തമാക്കി ഇന്ത്യൻ ക്രിക്കറ്റ് ടീമിൻ്റെ സെലക്ടർമാരുടെ ചെയർമാൻ അജിത് അഗാർക്കർ. ഗിൽ മൂന്ന് ഫോർമാറ്റിലും നന്നായി കളിക്കുന്ന താരമാണ് എന്നും കൂടാതെ ഇതുവരെ നൽകിയ അവസരങ്ങളിൽ അവൻ നല്ല ഒരു ക്യാപ്റ്റന്റെ ലക്ഷണ‌ങ്ങൾ കാണിച്ചിട്ടുണ്ട് എന്നും അഗാർക്കർ പറഞ്ഞു.
“മൂന്ന് ഫോർമാറ്റും കളിക്കുന്ന ആളാണ് എന്ന് ഞങ്ങൾ കരുതുന്ന ഒരു വ്യക്തിയാണ് ശുഭ്മാൻ, കഴിഞ്ഞ ഒരു വർഷം ആയി അവൻ ക്യാപ്റ്റന്റെ ഒരുപാട് നല്ല ഗുണങ്ങൾ കാണിക്കുന്നതായി തോന്നുന്നു. അതുകൊണ്ടാണ് അവനെ വൈസ് ക്യാപ്റ്റൻ ആക്കിയത്.” അഗാർക്കർ പറഞ്ഞു.
“മുതിർന്ന താരങ്ങളിൽ നിന്ന് അവൻ കൂടുതൽ പഠിക്കാൻ ആണ് ഞങ്ങൾ ആഗ്രഹിക്കുന്നത്. രോഹിത് ഇപ്പോഴും അവിടെയുണ്ട്. രോഹിതിനൊപ്പം പ്രവർത്തിച്ചാൽ അദ്ദേഹത്തിന് കുറച്ച് അനുഭവപരിചയം ലഭിക്കും.” അഗാർക്കർ പറഞ്ഞു
