സെപ്തംബറിലെ ICC മികച്ച പുരുഷ താരത്തിനായുള്ള നേർക്കുനേർ ഏറ്റുമുട്ടലിൽ ശുഭ്മാൻ ഗില്ലും മുഹമ്മദ് സിറാജും. ഐ സി സി ഇന്ന് പ്രഖ്യാപിച്ച മൂന്ന് പേരുടെ ലിസ്റ്റിൽ ഇന്ത്യൻ താരങ്ങളും ഇംഗ്ലണ്ട് ഓപ്പണർ ഡേവിഡ് മലനും ആണുള്ളത്. ന്യൂസിലൻഡിനെതിരായ ഏകദിന പരമ്പരയിലെ മികച്ച പ്രകടനം ആണ് മലനെ നോമിനേഷനിൽ എത്തിച്ചത്.
ഗില്ലിന് ഒരു മികച്ച ഏഷ്യ കപ്പും പിന്നാലെ ഓസ്ട്രേലിയക്ക് എതിരെ മികച്ച പ്രകടനവും കാഴ്ചവെക്കാൻ ആയിരുന്നു. താരം നിലവിൽ ചെന്നൈയിൽ ഡെങ്കിപ്പനി ബാധിച്ച് ചികിത്സയിൽ ആണ്. ശ്രീലങ്കയ്ക്കെതിരായ ഫൈനലിലെ അത്ഭുതപ്പെടുത്തുന്ന ബൗളിംഗ് പ്രകടനം ഉൾപ്പെടെ 11 വിക്കറ്റുകൾ ഏഷ്യ കപ്പിൽ വീഴ്ത്തിയ സിറാജ് ഇപ്പോൾ ഐ സി സി റാങ്കിംഗിം ഒന്നാമതുള്ള ബൗളറാണ്.
