ഇന്ത്യ ഇംഗ്ലണ്ട് ടെസ്റ്റിന്റെ മൂന്നാം ദിവസം ആദ്യ സെഷനിൽ ഇന്ത്യക്ക് 4 വിക്കറ്റുകൾ നഷ്ടമായി. ഇന്ത്യ ഇപ്പോൾ 130-4 എന്ന നിലയിലാണ്. ശുഭ്മാൻ ഗിൽ ഫോമിൽ എത്തിയതാണ് ഇന്ത്യക്ക് ആശ്വാസം. ഗിൽ 78 പന്തിൽ നിന്ന് 60 റൺസുമായി ക്രീസിൽ ഉണ്ട്. 8 ഫോറും 1 സിക്സും ഗിൽ അടിച്ചു. നീണ്ട ഇടവേളയ്ക്ക് ശേഷമാണ് ഗിൽ ടെസ്റ്റിൽ ഒരു അർധ സെഞ്ച്വറി നേടുന്നത്. ഗില്ലിനൊപ്പം 2 റൺസുമായി അക്സർ പട്ടേലും ക്രീസിൽ ഉണ്ട്.
ഇന്ന് രാവിലെ ഇന്ത്യയുടെ രണ്ട് ഓപ്പണർമാരെയും ആൻഡേഴ്സൺ പുറത്താക്കിയി. ജയ്സ്വാൾ 17 റൺസ് എടുത്തും രോഹിത് 13 റൺസ് എടുത്തും ആൻഡേഴ്സണ് മുന്നിൽ കീഴടങ്ങി. ശ്രേയസ് 29 റൺസ് എടുത്ത് ഹാർട്ലിയുടെ പന്തിൽ പുറത്തായി. 9 റൺസ് എടുത്ത രജത് പടിദാറിനെ രെഹാൻ അഹമ്മദും പുറത്താക്കി. ഇന്ത്യ ഇപ്പോൾ 273 റണ്ണിന്റെ ലീഡിൽ നിൽക്കുകയാണ്.
