സഞ്ജു സാംസണെ അഭിനന്ദിച്ച് ഗൗതം ഗംഭീർ

- Advertisement -

ബംഗ്ലാദേശിനെതിരായ ടി20 പരമ്പരയിൽ ഇന്ത്യൻ ടീമിൽ സ്ഥാനം നേടിയ കേരള താരം സഞ്ജു സാംസണെ അഭിനന്ദിച്ച് മുൻ ഇന്ത്യൻ താരം ഗൗതം ഗംഭീർ. താരത്തിന്റെ ടീമിലേക്കുള്ള വരവ് ഒരുപാട് വൈകിയെന്നും കിട്ടിയ അവസരം താരം ഉപയോഗ പെടുത്തണമെന്നും ഗംഭീർ പറഞ്ഞു.

നേരത്തെ തന്നെ ഇന്ത്യൻ ടീമിൽ സഞ്ജു സാംസണ് അവസരം നൽകണമെന്ന് ഗംഭീർ ആവശ്യപ്പെട്ടിരുന്നു. നേരത്തെ 2015ൽ സിംബാബ്‌വെക്കെതിരായ ഒരു ടി20 മത്സരത്തിൽ സഞ്ജു ഇന്ത്യൻ ടീമിൽ കളിച്ചിരുന്നു. ഇന്ത്യൻ ടീമിൽ സഞ്ജുവിന് അവസരം ലഭിച്ചത് ബാറ്റ്സ്മാനായിട്ടാണ് മുഖ്യ സെലക്ടർ എം.എസ്.കെ പ്രസാദ് പറഞ്ഞിരുന്നു.

ഈ സീസണിൽ വിജയ് ഹസാരെ ട്രോഫിയിൽ ഗോവക്കെതിരെ സഞ്ജു സാംസൺ ഡബിൾ സെഞ്ചുറി നേടിയിരുന്നു. ഇതോടെയാണ് താരത്തിന് ഇന്ത്യൻ ടീമിലേക്കുള്ള വഴി തെളിഞ്ഞത്. നവംബർ 3ന് തുടങ്ങുന്ന ബംഗ്ലാദേശിനെതിരായ പരമ്പരയിൽ മൂന്ന് ടി20 മത്സരങ്ങളാണ് ഉള്ളത്.

Advertisement