ചെന്നൈ ടെസ്റ്റില്‍ 482 റണ്‍സ് വിജയ ലക്ഷ്യം തേടിയിറങ്ങിയ ഇംഗ്ലണ്ട് മൂന്നാം ദിവസം അവസാനിക്കുമ്പോള്‍ 53/3 എന്ന നിലയില്‍. രണ്ട് ദിവസം അവശേഷിക്കെ ഏഴ് വിക്കറ്റ് കൈവശമുള്ള സന്ദര്‍ശകര്‍ നേടേണ്ടത് 429 റണ്‍സെന്ന വലിയ ലക്ഷ്യമാണ്. 19 റണ്‍സുമായി ഡാനിയേല്‍ ലോറന്‍സും 2 റണ്‍സ് നേടി ജോ റൂട്ടുമാണ് ക്രീസിലുള്ളത്.
ഇന്ന് ഓപ്പണര്‍മാരായ റോറി ബേണ്‍സിനെയും(25) ഡൊമിനിക് സിബ്ലേയെയുമാണ് ഇംഗ്ലണ്ടിന് നഷ്ടമായത്. സിബ്ലേയെയും നൈറ്റ് വാച്ച്മാന്‍ ജാക്ക് ലീഷിനെയും അക്സര്‍ പട്ടേല്‍ പുറത്താക്കി.
