വെസ്റ്റിൻഡീസിന് എതിരായ രണ്ടാം ടെസ്റ്റിന്റെ ആദ്യ ദിവസം ആക്രമിച്ചു കളിച്ച് ഇംഗ്ലണ്ട്. ഇന്ന് ആദ്യ ദിനം 416 റൺസ് എടുത്ത് ഇംഗ്ലണ്ട് ഓളൗട്ട് ആയി. ഒലി പോപ്, ഡക്കറ്റ്, സ്റ്റോക്സ് എന്നിവരുടെ മികവിലാണ് ഇംഗ്ലണ്ട് നല്ല സ്കോർ ഉയർത്തിയത്.
ഒലി പോപ് സെഞ്ച്വറിയുമായി ടോപ് സ്കോറർ ആയത്. ഒലി പോപ് 121 റൺസ് എടുത്തു. 1 സിക്സും 15 ഫോറും താരം അടിച്ചു. 59 പന്തിൽ നിന്ന് 71 റൺസ് എടുക്കാൻ ഡക്കറ്റിനായി. സ്റ്റോക്സ് 69 റൺസും എടുത്തു.
ക്രിസ് വോക്സ് 37, ജെയ്മി സ്മിത്ത് 36, ഹാരി ബ്രൂക് 36 എന്നിവരും നല്ല സംഭാവനകൾ നൽകി. വെസ്റ്റിൻഡീസിനായി അൽസാരി ജോസഫ് മൂന്ന് വിക്കറ്റും കെവിൻ സിങ്ക്ലയർ, കവെം ഹോഡ്ഗ്, ജയ്ദൻ സീൽസ് എന്നിവർ രണ്ട് വിക്കറ്റ് വീതവും നേടി.
