ഇംഗ്ലണ്ട് ബോര്‍ഡ് പാക്കിസ്ഥാന്‍ പരമ്പരയ്ക്കായി നടത്തുന്ന തയ്യാറെടുപ്പുകള്‍ പാക്കിസ്ഥാന്‍ ബോര്‍ഡിനോട് വിശദീകരിച്ചിട്ടുണ്ടെന്ന് വ്യക്തമാക്കി ബോര്‍ഡ് ചീഫ് എക്സിക്യൂട്ടീവ് വസീം ഖാന്‍. മികച്ച സൗകര്യങ്ങളാണ് ഒരുക്കുവാന്‍ പോകുന്നതെന്ന് ഇംഗ്ലണ്ട് ബോര്‍ഡ് തങ്ങളോട് അറിയിച്ചിട്ടുണ്ടെന്നും പരമ്പരയ്ക്കായി തങ്ങള്‍ ഉറ്റുനോക്കുകയാണെന്നും വസീം ഖാന്‍ പറഞ്ഞു.
നേരത്തെ ബയോ സുരക്ഷിതമായ സാഹചര്യത്തില്‍ ഇംഗ്ലണ്ട് സൗകര്യം ഒരുക്കിയാല്‍ ബോര്‍ഡ് താരങ്ങളെ ഇംഗ്ലണ്ടിലേക്ക് പര്യടനത്തിന് അയയ്ക്കുമെന്ന് വസീം ഖാന്‍ വ്യക്തമാക്കിയിരുന്നു. സാഹചര്യങ്ങള്‍ വേണ്ടത്ര അനുകൂലമല്ലെന്നും സൗകര്യങ്ങള്‍ സുരക്ഷിതമല്ലെന്നും തോന്നിയാല്‍ താരങ്ങള്‍ക്ക് പരമ്പരയില്‍ നിന്ന് പിന്മാറുവാനും അവസരം നല്‍കുമെന്ന് ബോര്‍ഡ് നേരത്തെ അറിയിച്ചിരുന്നു.
